1. avyaktādyata ētad vyaktaṁ jātamaśēṣam |
yad dhattē tadajasraṁ yatrāntē layamēti ||
2. ādhārē khalu yasmin gōlānāṁ saha lakṣaiḥ |
brahmāṇḍaṁ pratitiṣṭhatyētannistulasatvē ||
3. sūryādigrahabhāsāṁ yanmūlaṁ ghanatējaḥ |
yad brahmādisurāṇāṁ śaktyai śaktirutāhō ||
4. jñātvā tattvamasaṅgā bhāsā yasya ramantē |
yajjālēna samastē dvaitēkṣā’lpamatīnām ||
5 yaddhyānēna bhavanti svātmānandanimagnāḥ |
yanniṣṭhā khalu muktiryacchandō’pi tadarthaḥ ||
6. tad brahma praṇavākhyaṁ cittē dhyānakr̥tē mē |
aśrāntaṁ ramaṇākhyāṁ bibhrad bhātu madiṣṭām ||
7. ādhārē dhṛtamūlaṃ hārdābjē kṛtavāsam |
śīrṣābjāya vahadyat paṣcādindriyaśaktyai ||
8. dṛṣṭyāṃ tatra parācyāṁ yaddēhabhramakāri |
āvṛttaṃ tu punaryat svātmaikyānubhavāya ||
9. paśyadvā viṣayaughaṁ viśrāntaṁ yadutāhō |
muktyai saṁsthitamantarvr̥tyaikyānubhavēna ||
10. ātmajyōtiridaṁ mē bibhrāṇaṁ ramaṇākhyām |
aśrāntaṁ sphuratāt tat śuddham hārdasarōjē ||
11. yaddīpādramaṇākhyād vyāptaṁ gāṇapatīṣu |
vāṇībhittiṣu dhattē gītācitravilāsam ||
12. yad hantiñ chavijālai rajñānāṃ timirāṇi |
tattattvaṁ sphuratādvaḥ tāradhānasamādhau ||
13. yātāyātavihārai rādhāreṣu ca śīrṣe |
sañcāraṃ vidadhānaṃ kiñcāśeṣavisāri ||
14. ālambēna vihīnaṁ vyōmāmaṁ paripūrṇam |
niśśabdaṁ gururūpaṁ tad brahma sphuratānmē ||
15. dhyānaṁ bhāti parōkṣaṁ yattattva śravaṇēna |
yatsāṅgatyaviśēṣō hētuḥ syādaparōkṣē ||
16. yaccintā sthiramuktyai brahmaitadramaṇākhyam |
māmāvṛtya samantā dānandē nidadhātu ||
17. tārānandaniyuktaḥ prītyā tasya matēna |
ādhāddīptagabhīraṁ vāsiṣṭhō gurugītam ||
